繼續WFH – Netflix 三月精選推介

197

武漢肺炎疫情襲港,經歷一段時間嘅 Work from Home(WFH) 後相信唔少朋友都養成咗與 Netflix 渡日嘅習慣。雖然唔少人今個星期都開始重投工作懷抱,不過 Netflix 於近期少人外出下放工後或假日都定必係您嘅良伴,HOMME 就特別為大家帶來以下嘅 Netflix 三月上架推介。

1) 《李屍朝鮮》第2季 (上架日期:3月13日)

數到三月份最矚目之作絕對非《李屍朝鮮》第2季莫屬。《李屍朝鮮》首季於2019年上映後就極受歡迎,劇情設定為16世紀末日本入侵朝鮮數年後嘅朝鮮王朝,王世子李蒼想要見臥病在床10多天嘅父王,卻一直被宮廷中嘅人阻撓,認為宮中有什麼不可告人的秘密。為了追尋真相,李蒼微服查訪尋找當時醫治父王的醫生,卻在過程中意外發現瘟疫正在大舉擴散嘅情況。只要感染瘟疫嘅人,便會死而復活,變得非常嗜血及愛吃人肉。李蒼在調查瘟疫疫情嘅過程中,發現整個國家都陷入危險之中。

首季只有6集嘅《李屍朝鮮》於季尾嘅伏線令唔少劇迷都期待萬分,而是次第2季更邀來韓國女神全智賢產後復出,迎來《藍海傳說》4年後首部作品,更令劇集嘅關注度大大提升,絕對係Netflix迷必睇之作。

2)《碳變》第二季(已上架)

《碳變》亦係另一套備受期待嘅續作。首季於 2018 年 2 月所推出嘅《碳變》,改編自 Richard K. Morgan 經典科幻 Cyberpunk 得獎同名小說。

故事背景發生於三百六十年後嘅未來世界,大部分的情節設定在2384年一個在未來被稱為 Bay City 嘅三藩市。在未來,人們的記憶跟意識經過數碼化之後可以被下載到一個稱為「備存」(Stacks)嘅盤型裝置裏,再植入後頸部嘅脊椎骨中。這些外星人設計嘅儲存裝置已經透過還原工程後大量生產。肉體人類及復合體被稱為「義體」(Sleeves),而備存可以在死後轉移至新嘅軀體,但是如果摧毀脖子上嘅備存那個人就會完全死亡。雖然這在理論上意味着任何人都可以永生不死,但事實上只有那些最富有嘅Meths,透過複製人和針刺傳輸他們嘅意識到衛星當中才能實現這件事。

主角 Takeshi Kovacsi為精英星際戰中唯一倖存嘅士兵,他們是一個在對抗新世界秩序嘅起義中遭到擊敗嘅反叛團體。於星際戰士被消滅的250年後,Takeshi Kovacsi嘅備存從監獄嘅冰凍中被一個300歲嘅 Meths 羅倫斯·班克勞喚醒,他是殖民世界中最富有嘅人之一。班克勞給他一個選擇,偵破「班克勞自己」嘅謀殺案來重獲新生。

值得一提嘅係,由於故事設定,第二季嘅男主角義體已改為「飛隼」Anthony Mackie 飾演,比起第一季可謂更加卡士十足。

3)《梨泰院》(已上架)

繼《愛的迫降》後另一部極多人討論嘅 Netflix 韓劇。《梨泰院》由《雲畫的月光》嘅金成允導演與同名漫畫原著趙光真作家合作打造,講述朴敘俊飾演嘅朴世路父親在一場意外中去世,於不合理嘅世界中,朴世路決定在梨泰院開設小酒館,並向害死他爸爸嘅人報復。

除朴敘俊外,人氣實力派女演員金多美亦會於《梨泰院》飾演酒館經理及超人氣網紅「趙伊瑞」,敢愛敢恨嘅個性絕對令觀眾一見難忘。

4)《再見媽媽又再見》(已上架)

39歲女星金泰希產後復出首部作品!除咗欣賞呢位39歲仍然保養得像二十出頭嘅美少女主角外,故事嘅新奇主題及不少令人感動嘅情節都係令人追看不停嘅元素。

故事以因事故過世5年嘅母親車瑜理(金泰希飾)、痛失妻子後努力展開新人生嘅丈夫曹鋼和(李奎炯飾),及兩人嘅孩子曹棲旴(徐宇鎮飾)為主角,劇情描述成為鬼魂嘅媽媽獲得新生機會,可以回到人世 49 天,再度出現在再婚嘅丈夫和幼女面前。

5) 《格雷的五十道色戒3》 (上架日期:3月14日)

除咗劇集外,Netflix亦有唔少電影值得大家觀看。於2018年上映嘅《格雷的五十道色戒3》亦會於3月份喺 Netflix 正式上架,有追開首兩集或者想重睇嘅朋友都不妨留意一下。

6) 《無聲絕境》(已上架)

《無聲絕境II》將於本年三月正式上映,而於2018年上映嘅首集《無聲絕境》亦終於登陸 Netflix。《無聲絕境》上映後一直備受好評,當年於爛番茄中嘅301條評論,持有95%新鮮度,獲得平均得分8.1/10嘅高分,亦分別獲得影評人協會獎最佳科幻/恐怖片及國家電影評論協會嘅2018年10大電影。

故事設定於2020年,世界各處佈滿一群沒有視力,卻有着超靈敏聽力嘅兇猛外星生物,牠們會本能性攻擊任何發出聲音的物體,皮膚猶如鎧甲般地堅硬,讓人類完全無法應對。三個月下來,牠們消滅世界上大部分人口,只剩下一小部分人類仍然躲在各地繼續生存,盡可能地保持安靜來躲避牠們。

以上為小編個人主觀推介,若大家有其他認為值得收睇之作,不妨留言分享一下。