兩歐聯賽事延期 UEFA下周開會定歐國盃去向

18

因應歐洲武漢肺炎持續爆發,歐洲足協日前已確定曼城對皇馬、祖雲達斯對里昂兩場比賽都會延期,直至另行通知。

昨日皇馬官方發表聲明指由於皇家馬德里籃球隊有球員確診,共用訓練嘅足球隊成員全體需要隔離,故與曼城嘅十六強生死戰亦未能舉行。

祖雲達斯方面則有魯加尼確診,全隊亦需接受隔離,與里昂一戰亦需要延期作賽。

鑑於車路士嘅赫臣奧杜爾於剛剛亦宣佈正式確診,外界估計拜仁對車仔一戰亦會宣佈延期,而餘下巴塞對拿玻里嘅賽事如期舉行嘅成數亦不大,相信於歐洲時間嘅明早就會正式有結果。

此外,歐洲足協確認會於3月17日舉行專家小組,商討今年度因應武漢肺炎而對歐洲賽事嘅處理手法,當中包括歐聯及今年重頭戲歐國盃,屆時再與大家更新狀況。