英超U21身價榜 阿歷山大阿諾登頂

60

著名足球市場網站 transfermarkt 日前公佈英超最新 U21 身價榜,結果利物浦嘅阿歷山大阿諾成為現今估值最高嘅英超 U21 球星。

是次排行榜中車路士成為大贏家,共佔去三席,而「Big6」另外五支球隊則與韋斯咸、愛華頓各佔一個席位。

車路士入選嘅三位球員分別為佩利錫、奧度爾及今季上位嘅美臣蒙特,分別以6000萬及3500萬歐元位列第二、六及八位。

迪勤懷斯則成為非「Big6」球員中身價最高嘅球員,以估值5000萬歐元成榜中第三,相信邁向豪門之路不遠。

英超U21身價榜首一席則由利物浦嘅阿歷山大阿諾奪得。呢位後防對利物浦極為重要,能攻擅守,加上現今球壇一個好閘難求,以8000萬歐元身價相信大家都覺得合理。

大家都知道英超球員嘅身價起伏極大,U21以下球員更可以隨時升價十倍,大家心目中又有無邊位年輕新星今季後有望上榜呢?