《蜘蛛俠:決戰千里》提前至本月尾上映 另附最新劇照!

88

Marvel 迷注意!原定於7月4日正式上映嘅《蜘蛛俠:決戰千里》將提前到6月28日正式上映,香港影迷將搶先美國嘅7月2日上映時間觀賞!

是次電影為首部緊接《復仇者聯盟:終局之戰》上映嘅MCU電影,故事主要圍繞住 Peter Parker 於 Endgame 後回復學生身分,與好友重新投入校園生活並到歐洲旅遊時所遇到嘅挑戰。今集中 Nick Fury 將接替 Iron Man 成為主要引導及帶領 Peter Parker 嘅導師,並令有意小別超級英超繁重工作嘅 Peter Parker 重新披起戰衣,以應對世界各地各種元素怪物嘅侵襲,再一次肩負拯救地球嘅重任。

由預告所見有不少故事情節都著墨於 Avengers: Endgame 後 Peter Parker 與 Tony Stark 之間嘅情感,而飾演 Spider-Man 嘅 Tom Holland 早前於宣傳電影時亦大爆是次電影出現嘅怪物其實係因為於 Avengers: Endgame 中魁隆彈指,怪物由另一個平行時空而到來地球。可見今次《蜘蛛俠:決戰千里》與剛過去嘅Endgame 有一定關連,仍沉醉於 Avengers 4 嘅 Marvel 迷絕對要入場支持。

《蜘蛛俠:決戰千里》6月28日正式上映!

最新劇照

電影預告