Sky sources: 曼聯認為普巴今夏會留隊

34

外媒 Sky Sports 透露,雖然普巴公開表示希望尋求新挑戰,但曼聯方面普遍認為球員今夏將會留隊。

普巴早前於東京出席活動時直認有離隊想法,佢表示「最近關於我的去向有很多不同說法及想法。對我而言我於曼聯已經渡過三年而且表現很好,當中有很多美好時刻,亦有不少壞的時刻。今個賽季發生太多不同的事,但我認為係我目前表現最好的一個球季。我認為對自己來說現時於為一個於其他地方尋求新挑戰的理想時間。」

其實早於賽季中後段,施丹重掌皇馬時已有消息指普巴有意轉投西甲,而球員本身於公開場合向皇馬展露好意時亦曾惹起曼聯不滿。於曼聯完成一個艱難賽季後,普巴與銀河艦隊嘅緋聞至今仍然持續,而舊球會祖雲達斯都被指有意回購呢位世界盃冠軍隊成員,更有報導指祖雲達斯嘅總監 Fabio Paratici 已經飛往倫敦與紅魔商討收購,普巴轉會傳聞一直都成為焦點。

無可否認,普巴近日「尋求新挑戰」嘅一番話令其離隊嘅傳言更盛,更有人猜想為皇馬/祖記向曼聯報價時紅魔企太硬而迫令球員表態離隊,希望可以更合理價錢求購呢位中場球星。

雖然球員本身極力希望離隊,但可靠媒體 Sky Sports 則指曼聯方面會盡力留住普巴,亦相信佢將會留隊,因為蘇斯克查已視呢位法國中場為重建嘅絕對核心。到底曼聯可否馴服呢匹以高價回購嘅野馬?大家可留意事情發展。