賴恩巴布:荷蘭無冠因四人

145

荷蘭近兩仗於歐國盃外圍賽發揮不錯,先後擊敗德國及愛沙尼亞令出線重現希望。不過近日咸魚翻生嘅賴恩巴布一番針對荷蘭名宿嘅言論就掀起唔少人嘅爭議。

現為荷蘭國腳嘅賴恩巴布於近兩仗表現出色,交出兩個入球及一個助攻。不知是否一時意氣風發,該名前利物浦翼鋒竟然向傳媒表示荷蘭近年無冠係因為「四大荷蘭長老」,令人不禁嘩然。

巴布所指嘅四位前輩為雲佩斯、史奈達、洛賓及雲達華治,四位都於近年荷蘭國家隊佔有相當重嘅地位。巴布指出:「以前你需要與四大長老對抗。從我嘅經驗中,雲佩斯、史奈達、洛賓及雲達華治都想成為 No.1,將自己利益放於球隊前面。就目前而言,現時嘅荷蘭更似一支球隊,我們沒英雄主義,會為大家貢獻入球、傳送,更是一個整體。」

「我還記得2010年世界盃決賽,當年洛賓只想自己取得入球,而沒有為球隊著想。若洛賓願意為球隊著想,當年很有可能西班牙於餘下時間只會有十人作賽,而荷蘭有機會捧起世界盃。呢個行動為一個細節位,但我細想一下,我認為洛賓當時只想一心取得入球而非考慮球隊。這些細節可能只佔球賽嘅5%,但正正就係這5%令我們無法成為世界冠軍。」賴恩巴布再以2010年洛賓單刀舉例。

各位不妨重溫一下賴恩巴布提及當年嘅一球,睇下你又有何看法。