官宣新聞: 皇馬正式簽入法蘭克福前鋒盧卡祖域

142

等了又等,皇馬官方終於公佈第三個轉會收購,正式由法蘭克福簽入盧卡祖域。

塞爾維亞籍嘅盧卡祖域現年21歲,為今季歐洲球壇中其中一個最受注目嘅鋒線新星。呢位塞爾維亞前鋒除具身體質素外,入球能力亦相當驚人。今季於德甲上陣32場(7場後備),攻入17個入球及交出5個助攻。此外,盧卡祖域最受人注目為其於歐霸盃上嘅表現,短短上陣14場(3場後備)就狂轟10個入球,於賽事中只以1球之差落後帶領車仔捧盃嘅基奧特。

據報是次交易皇馬將向法蘭克福支付7000萬歐元轉會費,而銀河艦隊將與盧卡祖域簽署6年長約,與賓施馬及馬里安奴共組鋒線。

於盧卡祖域正式加盟前,皇馬已分別由山度士、簽入洛迪高波圖及艾達米列達奧。此外,皇馬亦盛傳即將公佈正式簽入夏薩特及里昂左閘費蘭文迪,重建嘅銀河艦隊攻勢一浪接一浪,下季絕對令人期待。

事不宜遲,立即觀賞盧卡祖域今季嘅入球片段: