皇馬已與車路士確認協議 將以8800萬磅引入夏薩特

61

Sky Sports News 透露,拉鋸已久嘅夏薩特價格談判已接近尾聲。皇馬已同意以8800萬磅(另設附加條款)價格正式由車路士引入夏薩特,目前待個人合約條件落實就會於近日正式官宣。

據報車路士方面曾要求高達1.3億英磅轉會費,但由於夏薩特只剩一年合約及去意已決不得不作出讓步。

28歲嘅夏薩特早於今年季尾已不斷向傳媒暗示今個夏天會轉會皇家馬德里,而於歐霸決賽奉獻兩個入球後更表明「我認為今次將會係告別戰。」

夏薩特今季為球隊上陣51場,攻入21球交出17個助攻。單計英超數據,盤球過人、創造機會、觸球、向前傳球等都為前鋒之冠,單計數據絕對係今季車仔奪英超季軍、歐霸冠軍之重要功臣。由於車仔目前深受轉會禁令影響,於今夏未必能即時找尋到夏薩特之替代品,現時唯有寄望今夏來投嘅金童普列錫可以於進攻上幫到忙。

對皇馬而言,施丹今夏銳意重建球隊。連同剛加盟嘅盧卡祖域在內,銀河艦隊目前已先後簽入三名球員,若夏薩特正式加盟將成今季暫時加盟嘅最高卡士球員。以實際作用嚟講,近季於車仔負起進攻重責嘅夏世三絕對為皇馬目前急需的。自C朗離隊後,皇馬攻力大減,剛過去球季入球王已變成近季一直被批評嘅前鋒賓施馬,而本來滿懷希望嘅巴爾則一次又一次令球迷失望。對症下藥之下,盧卡祖域、夏薩特或成皇馬下季最銳利之尖刀。

據怎皇馬目前正與夏薩特商討個人合約事宜,相信於薪金上並唔會有太大分歧,只要落實後就會正式進行官宣。目前傳媒報導夏薩特將穿上銀河艦隊7號球衣(現為馬里安奴所有),而非現時由摩迪所穿著嘅10號。