皇馬公佈新一季球衣 巴爾、拿華斯在陣

141

西甲勁旅皇家馬德里剛公佈新一季球衣設計,盛傳離隊嘅巴爾及拿華斯都有登場。

早前 Adidas 發聲明宣布將與皇馬續約至少至2028年,據報贊助費最高可達1.5億歐元,銀河艦隊於19/20球季亦理所當然穿上 adidas 嘅贊助球衣。

皇馬上季於球衣採用黑邊設計,而結果球隊整季就如球衣邊般黑氣衝天。嚟到19/20年度,皇馬主場球衣依舊採用純白底色,但球衣邊、袖邊、球員號碼等都會採用帶有皇者氣息嘅金色,未知能否有助今夏銳意重建嘅皇馬重登王座。

adidas 於是次新球衣造型照上邀來多名皇馬球星登場,包括隊長拉莫斯、「世一」摩迪、賓施馬等等,而最受注目為多名被傳離隊嘅球員包括伊斯高、巴爾及拿華斯都有登場,而另一門將古圖奧斯則未見身影。

早前盛傳皇馬希望等候夏薩特正式轉會後再公佈新球衣設計,但是次造型照夏薩特及新加盟嘅盧卡祖域都未有登場。