財大氣粗! PSG欲用2.1億收購皇馬三大將

1066

皇馬今季表現大幅下滑,早前於各項賽事輸波17場已破球會於21世紀記錄,換血在所難免。

昨夜有幾間傳媒報導皇馬已經與車仔達成協議,待歐霸盃決賽後就會正式宣佈夏薩特加盟。而其他球員例如盧卡祖域、普巴、拉比奧特等亦一直被傳與銀河艦隊走得勁近。不過收購球員同時,換血亦難免會清走舊將,而據 Le Parisien 報導今季再於歐聯失利嘅PSG就希望用2.1億歐元收購三位皇馬球星。

延伸文章:
艦隊重建 皇馬今夏七大收購目標

處於收購名單嘅球員分別為巴爾、卻奧斯及伊斯高。當中巴爾已連續兩場未入大軍名單,相信施丹已經早早決定清走玻璃人,有球會肯收購呢位高薪高轉會費球員皇馬當然希望早早送客。而伊斯高今季亦不下一次被指有意離隊,若有高轉會費及薪金相信轉會難度亦唔會太高。當中最令人驚訝為名單出現首次被傳離隊嘅卻奧斯。呢位德國中場為除摩迪外皇馬中場嘅絕對核心,雖然世盃後表演下滑,但仍然係銀河艦隊不可或缺嘅成員之一。加上卻奧斯目前只係29歲,球員本身亦未算太多傷痛,皇馬方面應該會希望留住佢。

與此同時,巴黎亦據報會清卡雲尼及達斯拿兩名國腳級球員,達斯拿好大機會加盟拜仁頂替離隊嘅2R位置。