夏薩特: 希望麥巴比可加盟皇馬

80

夏薩特早前受訪,希望現時效力PSG嘅麥巴比可加盟銀河艦隊與自己並肩作戰,並表示該法國前鋒肯定會成為世界上最佳球員。

麥巴比自2018年以1.21億歐元加盟巴黎後就一直與皇馬傳出緋聞,而目前班拿具嘅頭號球星亦呼籲該名20歲嘅超新星來到西班牙發展。

於今年夏天,麥巴比曾表示自己對未來嘅計劃保持開放態度,並向傳媒指出自己正在考慮於PSG嘅未來。

Le Parisien日前訪問夏薩特對麥巴比嘅看法,該名比利時球星就直指:「於未來短時間來,我肯定麥巴比會成為世上最佳球員。「世上最佳」係唔少球員夢寐以求嘅殊榮,但我認為若麥巴比繼續現時嘅發展,佢將會成為足球史上最佳球員之一。」

「每個球員嘅夢想都係同最佳球員並肩作戰。如果我明天就可以將麥巴比帶來皇馬,我一定會嘗試。不過大家都知道我唔係可以做決定嘅人,甚至無人會因而詢問我嘅意見。」夏薩特補充。

早前摩洛哥前主席就曾向傳媒透露麥巴比嘅夢想係加盟皇馬,當時選擇PSG係因為想於國內再成長到更成熟。相信以目前麥巴比嘅能力,無人會再質疑佢可否於皇馬立足,若可見到夏薩特與麥巴比合作亦相信為球迷之福。