巴黎聖日耳門有意以8000萬歐求購伊斯高

148

法國媒體 FootMercato 報導,法甲班霸巴黎聖日耳門有意於今個轉會窗報價收購皇馬中場伊斯高。

由於目前尼馬形勢未明,或有機會於今夏離隊,巴黎高層方面希望於今夏再用「銀彈攻勢」去為球隊加強實力,再戰歐聯。不過是次增強嘅目標並非尼馬嘅前鋒線位置,而將重心放於中場增加方面,更有機會動用到高達8000萬歐元求購伊斯高。

對皇馬而言,伊斯高雖然極具潛力及能力,但上季已顯示出其於隊內地位並非絕不可出售。呢位27歲嘅西班牙中場上季只曾為銀河艦隊於西甲上陣27場(當中16場為後備上陣),交出3入球及2助攻,表現不算非常出色。雖然伊斯高並不處於皇馬嘅清洗名單之中,但若有球隊為其作出高金額報價並不排除今夏花費鉅大嘅皇馬會作出考慮。

除伊斯高外,報導亦指PSG教練杜曹有意為球隊簽入一位防守型中場以加強中場實力,球隊早前就曾向愛華頓中場基爾報價3000萬歐元遭拒絕。