普巴:我嘅未來仍然係一個好大嘅問號

384

普巴與其經理人拉奧拿雖然早於轉會窗開啟時表明該法國中場有意離隊,但直到英超轉會窗關閉仍然未能與皇馬達成共識。而普巴於早前對陣車路士後受訪就指「自己未來仍存有一個大問題」,令人難免再有聯想。

英超轉會窗雖然已經關閉,但其實英超球隊仍然可以將球員出售至轉會窗仍然開啟之聯賽。當中西甲、法甲、意甲、德甲等各大聯賽於9月2日前仍然可以由英超收購球員。

曼聯早前於英超以四球大勝強敵車路士,普巴於下半場盡現身價,於比賽共交出兩個助攻。正當大家以為紅魔鬼今季有望再現魔性,於英超大展拳腳之際,頭號球星普巴嘅受訪又再難免令曼迷感到難受。

RMC Sport 於賽後問到普巴現時於曼聯嘅想法,該法國中場指:「當我踢足球時我永遠都表現良好,因為我正在做我喜歡嘅事,踢足球係我嘅工作,每次上場我都會拚盡全力。大家都知道有些說話曾經出現。時間會證明一切,我嘅未來仍然係一個好大嘅問號。

不過普巴亦有安撫曼迷及表示於曼聯感到快樂:「我目前仍然喺曼徹斯特。我與隊友們相處得非常好,我希望贏得所有比賽,當我於場上我定必出盡全力為球隊爭勝。」

由於皇馬於季前熱身賽表現仍然未如理想,據悉目前仍然努力追求普巴或尼馬以大幅加強球隊實力。不過由於曼聯並未於今個轉會窗上成功為普巴尋找到合適代替品,相信球隊及蘇斯克查唔會輕易放人。