普巴再鬧離隊 曼聯決定一月放人

956

外媒報導,曼聯嘅中場球星普巴再鬧離隊,希望可以於一月轉會窗重啟時離開現時水深火熱嘅紅魔。

自普巴加盟後,曼聯嘅成績一直未有起息,該法國中場早早已表明希望離開球以尋求新挑戰。普巴本來於今年夏天就有機會正式離隊,當時其經理人拉奧拿亦不停與皇家馬德里、祖雲達斯兩支勁旅進行商討,可惜因轉會費及蘇斯克查力留普巴而最後未能成事。

雖然於夏天時蘇斯克查極力挽留普巴,不過曼聯今季成績仍然未有起息,近七場比賽只能於主場贏出兩場,近兩仗更敗予鎚仔幫及於主場被英甲榜尾球隊迫和。普巴本人認為蘇斯克查未能實現保證為球隊帶來合理成績,並對球會方向及作出承諾失去信心,日前亦再次發出離隊請求,希望於一月離隊。

曼聯方面亦對普巴三番四次置球隊利益不顧失去耐性,據悉已決定一月放走呢位麻煩友。早前於聯賽盃賽事,於迪基亞、楊格等未有上陣下,曼聯已委任小將杜安沙比作隊長而非普巴,而最後十二碼亦沒安排呢位球星操力,可見紅魔已為普巴離隊做好準備。

曼聯要尋找合適人選頂替普巴並不容易,除了因為現今球員全部身價暴升,眼看多位主力相繼流失,要尋找到球員願意與球會共渡難關亦非易事。現時紅魔中場實力薄弱,若真的要於一月放走普巴,相信今個賽季亦可以宣佈提早報銷。