正式決裂? 尼馬已向巴黎請求離隊

679

麻煩友尼馬轉會動向有最新消息。Sky Sports報導該巴西球星與巴黎總監李安納度進行會面,並已向對方提出離隊要求。

巴黎當年一擲千金由巴塞引進尼馬,可惜一直未能於歐聯賽場上有所進步。由於尼馬近季往往於歐聯重要賽事中受傷,加上場外醜聞不絕,球會方便已經為尼馬離隊開出綠燈,只要收到合理報價就會放人。

除傷患及場外問題外,尼馬一直希望於球會扮演「大佬」角色,但紀律一直欠佳。早前巴黎CEO就曾公開指出陣中部分球員不是為球隊而比賽,反倒一直希望扮演巨星,暗指尼馬未能做好領導及球員角色。此外,早前該巴西翼鋒因出席公開活動而延遲歸隊訓練亦令球會極為不滿,加速催化尼馬離隊一事。

目前尼馬最有可能嘅下一站為重返巴塞。「地上最強」陣中唔少球員日前都公開表示歡迎尼馬回歸,不過由於球會今季已先後簽入迪莊、基沙文等重磅收購,故全用資金收購身價高昂嘅尼馬並不可行,據報包括古天奴、丹比利、拉傑迪等球會都有機會被列入尼馬交易之中作籌碼。

要數尼馬回歸最受影響嘅人非古天奴莫屬,呢位前利物浦球星以高價加盟巴塞後一直未能發揮出高效表現,上季演出更屢屢被球迷柴台。隨住基沙文來投,古天奴於球隊位置已大不如前,加上尼馬再度回歸嘅話,相信古天奴可以提早收拾包袱。

據外媒透露,古天奴除有機會被列入尼馬交易之中外,前球會利物浦亦有機會作出回購,未知短時間出走就失掉歐聯獎座嘅古天奴會有咩感想呢?