奧斯爾:阿仙奴表現不好全怪我?無道理

48

奧斯爾近年可算是倒楣至極。除咗早前因與土耳其總統埃爾多安合照而被德媒炮轟,再被扯到去影響德國隊發揮,最後無奈宣佈退出國家隊外,球會嘅生涯亦出現問題。奧斯爾於艾馬利手下一直未得到重用,於今季英超只曾錄得一場上陣記錄,與其於兵工廠內拿著頂薪嘅身分完全不符,更有指阿仙奴急切希望於一月放走呢位高薪冗員。

奧斯爾於近期已經連續3場比賽被阿仙奴排除在大名單以外,更屢屢受到媒體及球迷批評。沉默一段時間後,奧斯爾早前接受 The Athletic 時終於開腔反擊。

「每一次阿仙奴於重要賽事表現得不理想時,人們永遠都歸咎於我。大家又如何解釋當我無上陣嘅時候,有些重要比賽球隊仍然未得取得好嘅賽果呢?這種批評完全無道理。」奧斯爾表示。

「我知道球迷對我期望很高,希望我可以付出更多,甚至為球隊帶來改變,但事實並無如此簡單。於比賽嘅時候,並不是只有我一個人作賽,我只係球隊入面嘅其中一員。有些時候對手明顯地比我們優秀。」

最後,奧斯爾亦就自己將於一月被賣走時作出回應:「我與阿仙奴嘅合約到2021年才會到期,於合約完成前我會留隊。我認為自己可以渡過艱難嘅時間,目前找不到離隊嘅原因。」

早前曾有報導指有土超球隊願意於一月接手奧燒,阿仙奴甚至願意支付部分薪資,有興趣嘅朋友可參看阿仙奴喜訊 終有球隊願接收奧斯爾