阿仙奴喜訊 終有球隊願接收奧斯爾

307

據英國 Daily Mail 報導,令阿仙奴困擾嘅高薪球員奧斯爾終於搵到下一個新東家,有土超球隊願意於一月接手。

奧斯爾為目前兵工廠陣中最高薪嘅球員,週薪高達35萬英鎊。該名德國中場今季遭艾馬利放棄,目前於英超只曾為球隊上陣一場,比賽時間為71分鍾。過去三場比賽,未有傷病嘅奧斯爾甚至未能入選大軍名單,明顯地阿仙奴教練或管理層已經為清走「奧燒」做足準備。

阿仙奴要放走奧斯爾嘅動機已經非常明顯,不過由於球員本身薪金太過高昂,故尋找下一任東家對球隊嚟講係一個非常大嘅問題,但近日似乎開始有轉機。

土耳其媒體 Takvim 消息指,土超班霸費倫巴治對租借奧斯爾非常有興趣,希望可以於冬季轉會窗為球隊借入該名30歲中場。

兵工廠亦樂意與費倫巴治進行協商,據悉為了讓奧斯爾順利離隊,阿仙奴甚至願意補貼部分薪金,務求盡快清走該名被放棄嘅球星已減少支出。

奧斯爾於2013年由銀河艦隊以4700萬歐元加盟阿仙奴,期間共上陣233場比賽,交出43個入球及74個助攻。