Marvel遊戲新作 Avengers版Division即將發佈?

110

早前 Square Enix 宣佈將於 6 月 10 日 E3 發佈會上正式發佈開發近兩年嘅 Avengers 遊戲作品 – Marvel’s Avengers,消息指遊戲將採用類似 Division 形式玩法。

其實 Square Enix 早於前年研發初期已經釋出一條名為「The Avengers Project Announcement Trailer」嘅預告片段,但預告內並無太多重點公佈,亦一直都有再進一步消息,直到早前正式宣佈將於今年 E3 發佈遊戲先再令一眾 Marvel/遊戲迷重燃對 Marvel’s Avengers 嘅期待。

由 E3 網站上所釋出嘅資料所指,是次公佈嘅 Marvel’s Avengers 將為一款電影化含故事性嘅可持續遊玩單人/團隊合作遊戲。玩家將可集結成一支最多四人嘅隊伍,並個人化自己嘅英雄角色,選擇合適嘅技能配置以符合自身遊戲風格,並與團體合作去對抗各種威脅。

由「可持續」再加上「團體合作」兩個元素,有唔少外國遊戲網站都認為是次推出嘅 Marvel’s Avengers 將為一款類似現時 Division、甚至 Diablo 嘅打寶類型遊戲,不過角色則變成玩家自制嘅英雄角色,武器/攻擊亦會以 Marvel 各角色技能為藍本而做。

目前更多資訊需等待 E3 遊戲展後先會正式公佈,大家可以繼續留意住我地更新。