曼城、阿仙奴齊搶丹尼爾艾維斯

37

外媒透露,36歲嘅丹尼爾艾維斯目前正積極尋求加盟英超球隊,而曼城、阿仙奴都對呢位自由身老將感興趣。

自丹尼爾約滿離開後,一直有指哥帥希望與呢位獲獎無數嘅老將故劍重逢。雖然年紀開始慚老,但丹尼爾於巴黎其實表演仍然不錯,於右路進攻上更為球隊帶來極大助力。據報哥帥亦有意引入丹尼爾幫忙帶領球隊,為卡爾獲加帶來壓力,同時可於今夏放心將丹尼路放到國際米蘭。由於爭奪者眾多,Daily Express 透露曼城將會開出12萬磅周薪以吸引呢位巴西右閘轉投。

對阿仙奴而言,球會目前正全力取購水晶宮翼鋒沙夏,但面對轉會預算不足問題。於球會嚴重缺乏轉會資金情況下,於轉會市場尋找合適嘅自由身球員確實為理想嘅策略。此外,兵工廠正選右閘比歷連目前仍深受傷患困擾,至少於要到9月尾才能復出,右閘方面絕對有補充嘅需要。據悉艾馬利已要求球會與丹尼爾進行商討,希望可於呢場與曼城嘅爭奪戰中勝出。

除阿仙奴及曼城外,據悉熱刺都有意加入呢場丹尼爾爭奪戰,以頂替有機會離隊嘅查比亞。