高普:若收到邀請 未來會考慮執教德國隊

363

利物浦教練高普近日受訪,表示目前並唔清楚德國隊領隊一職是否適合自己,但當有人向佢發出邀請會作出考慮。

現任德國隊領隊路維嘅合約將於2022年世界盃後正式屆滿,剛好與高普及紅軍嘅合約完結期相同,故有唔少傳媒都認為德國足總會以高普為接任路維之人選。

高普日前被問到有關傳聞表示:「目前我並無見到自己會成為一個國家隊領隊嘅可能,但世事無常,情況於未來或會有所改變。至少於現時,我感到非常快樂,呢樣已經非常重要。」

「我唔敢100%肯定自己會係最適合接替路維既人選。當收到邀請嘅時候,我會認真考慮,但不會是現在。」高普再補充。

高普領軍下嘅利物浦今季於英超所向披靡,八戰八勝下與次席曼城已拉開8分嘅差距。於國際賽期後,利物浦將回到英超作客死敵曼聯,以兩隊現時狀態或許會成一場大屠殺。