雙雄角力 祖記決定加入普巴爭奪戰

40

Gazzetta dello Sport 透露,意甲班霸祖雲達斯將於明夏與皇家馬德里角力,務求下年簽入普巴。

據外媒透露,普巴本人已決意離隊,早前已通知曼聯不會續約,而其合約於2021年6月就會到期。

皇家馬德里方面,施丹對普巴有興趣已非秘密,早前更被傳媒影到於杜拜秘密會面,對該法國中場嘅追逐看似不會停止。不過目前皇馬戰績一般,有傳若未有改善摩連奴或會接替上任,若成事嘅話與摩佬不和嘅普巴亦理所當然不會登上銀河艦隊。

除此以外,有多間外國傳媒都指皇馬將會於今個冬季轉會窗簽入熱刺中場艾歷臣,此宗交易亦會令皇馬是否繼續追求普巴存有問號。

近年銳意衝擊歐聯嘅祖雲達斯亦看得出皇馬對普巴並非意在必得,故管理層亦有意將呢位中場球星帶回都靈,明夏或會再次出現兩支豪門狂搶普巴嘅鬧劇。

普巴目前仍然處於養傷狀態,今季只曾為紅魔上陣6場,交出2個助攻,未有入球。