最後衝刺 祖記同意熱刺6440鎊購戴巴拿

153

據 Sky in Italy 報導,歐聯亞軍熱刺已與祖雲達斯達成協議,將以6440鎊購入戴巴拿,目前正等待個人條款落實。

祖雲達斯今夏大手購入或免簽多位球員,目前正全力精簡陣容,而身價、薪金都高嘅戴巴拿就看似為清走嘅頭號目標。早前曾有多間外媒都指該意甲班霸有意以戴巴拿與曼聯交換心儀中鋒盧卡古,但最後因球員不希望轉投紅魔而告吹。

對熱刺而言,英超轉會窗將於周四關閉,而球隊則希望於此時賣走艾歷臣。由於該丹麥國腳嘅合約明年就會正式完結,而該球員亦一直未有動筆續約,有指熱刺已將其售價由1.3億鎊大幅下調至5000萬鎊以免人財兩失,而曼聯目前就已經正式就此交易進行協商。

若最後艾歷臣離隊,戴巴拿或成填補其位置嘅最佳選擇。不過外媒指戴巴拿嘅合約為交易中最難處理部分,該阿根延國腳最少會開出30萬鎊周薪要求,比起目前熱刺最高薪嘅哈利簡尼25萬鎊周薪更高,能否事成需看熱刺會否願意打破薪資架構。

除戴巴拿外,熱刺亦被指有意借入巴塞嘅古天奴,相信與戴巴拿收購為二選一嘅操作。