最新皇牌「連美斯」希望穿著曼聯七號

947

曼聯今夏將山齊士借到國際米蘭致令「7號」球衣懸空,近日就有指連加特向球會提出要求穿上呢件極具標誌性嘅球衣。

紅魔鬼嘅「7號」一直對球會以至球衣都有極高嘅意義,過去多位穿著7號球衣嘅球員都為陣中皇牌,包括簡東拿、佐治貝斯、笠臣,及近代嘅碧咸、C朗等等,穿著旭一直都為曼聯嘅寵兒及對球會有極大嘅貢獻。

不過近屆呢件7號球衣嘅魔法似乎已經不再,最近4位「紅魔7號」華倫西亞、迪比、迪馬利亞及最近嘅山齊士都表現平平,迪比、迪馬利亞先後離隊,山齊士穿上7號後就一蹶不振,但曼迷對「7號」嘅意義至今仍然非常重視。

連加特現時於英格蘭國家隊亦係穿著7號球衣,故此英格蘭球員提出嘅要求可信性亦不低。不過不論外界或是曼聯球迷本身都對連加特嘅實力有所質疑,今季多場比賽更成為眾矢之的,更有球迷笑指佢擔任嘅位置為「Playbreaker」而亦「Playmaker」。

直至目前為止,連加特已有一段極長嘅時間未有於英超為球隊交出入球或助攻。若「連美斯」真正一心有意爭奪呢件「紅魔7號」,相信佢需於短時間內為球隊作出更多貢獻,否則只會令近年紅魔七號呢個不吉祥記錄繼續延續。