《GTA 6》更多遊戲消息釋出

406

《GTA 5》自2013年面世以來一直受得各大小玩家支持,相信目前各位打開 PS4 仍然會見到有好友在遊玩,而其續集《GTA 6》目前就有更多消息於Reddit被爆料。

隨住 Rockstar Games 完成《Red Dead Redemption 2》嘅開發,大家都非常期待目前正全力開發中嘅《GTA 6》消息。除遊戲內容外,目前就有消息指《GTA 6》將會於2020年第四季正式推出,亦於 PlayStation 5 上進行一個月嘅獨佔遊玩,然後才會於 Xbox Two 上登場。

而據 Reddit 用戶爆料,是次新版《GTA 6》將會集中於 Vice City 發展,同時如Liberty City、New York 等城市都會有機會出現其中,地圖甚至比以往更大。

今次故事主題則會以成為毒品大亨作主線,玩家將操作一位名叫 Ricardo 嘅男性主角,先於 Liberty City 開始流氓,進行一些如偷竊、破壞等行為以打出名堂,之後就會轉到 Vice City 加入幫派,慢慢一步一步成為一位大毒梟。

除故事及地圖外,是次新作亦會於天氣效果中加入颶風、洪水等,令遊戲變化更多,而於美國深受關注嘅移民及愛滋病話題亦會加入其中,令大家於投身成大毒梟時亦令遊戲變得更真實。

目前已經有消息指因應地圖更大及全新特效等因素,《GTA 6》將不會支援 PS4 及 Xbox One,相信有極大機會隨下年底推出嘅 PlayStation 5 同時發布,大家可留意我地更新,睇下會唔會再有其他呢個人氣大作嘅消息。