基奧特表明效忠 不滿沙利簽入希古恩

90

「銀河唯一」基奧特以神射手姿勢帶領車路士捧走今屆歐霸盃冠軍,贏盡車迷嘅支持。球會早前亦激活合約附加條款續約基奧特一年,而呢位目前正與法國操練嘅前鋒近日受訪時就對未來表態。

基奧特被問到車仔激活條款與其續約時表示:「球會於今個賽季贏得歐霸盃冠軍令我十分自豪。我係車路士有家嘅感覺,隊友們都相處得非常好。即使來季教練係邊個,我都希望願意留係車路士。今次係球會激活續約條款,我處於被動但並不表示我唔同意留隊,相反我對可留於車路士非常高興。」

不過於訪問中,基奧特亦首次透露對沙利簽入希古恩有所不滿:「當初我有親自搵沙利了解原因,我當時唔明白為何要簽入希古恩。沙利當時有解釋,但令我不滿嘅係於冬季轉會時教練去簽入一位與其相熟嘅前鋒,根本無理由唔去用佢,只會直接令我上陣時間更加減少。」

的而且確,希古恩加盟後基奧特於聯賽上陣時間就更加少,不過同一時間歐霸盃則成呢位世界盃冠軍前鋒嘅表演舞台。基奧特指當時為證明沙利嘅選擇錯誤,佢更加努力保持專注及訓練,希望可以於比賽中表現自己。結果相信大家都有目共睹。目前車仔深受轉會禁令及夏神離隊所困擾,基奧特就表明對下賽季可獲上陣時間表示樂觀,並指於英格蘭至少會再踢一年,而目前除車路士以外嘅並唔會轉會其他英格蘭球隊。

最後,基奧特補充:「下一個賽季球會將會有變化,我們可以重新開始,我已經急不及待地想要回到車路士。無論下年教練是邊一位,我都好高興可以留係車路士」

所謂嘅變化是否指沙利轉教祖雲達斯,大家可以自行判斷。