福布斯: 利物浦將與Nike簽署破英超記錄合約

79

Forbes 報道,利物浦將於近期與 Nike 簽署一份破英超最貴記錄嘅贊助商合約。

現時紅軍與 New Balance 嘅合約已踏入五年合約期嘅最後一季,目前嘅贊助費用為每年4500萬英鎊。有指 Nike、Puma 及 adidas 都曾與利物浦作出商討,現時最大機會達成協議嘅則為 Nike。

於現今球壇上,巴塞隆拿係全球於球衣贊助商上獲得收入最高嘅球隊,每年嘅贊助費用高達1億英鎊。而英超方面球衣贊助收入最高嘅為曼聯,球隊與adidas簽下嘅合約贊助費用為7500萬鎊,但 Forbes 就指 Nike 嘅開價將比紅魔與 adidas 嘅合約更高。

不過目前 New Balance 並非全無機會繼續與紅軍合作,因其合約中有條款指出若品牌願意與其他球衣贊助商嘅出價一樣,New Balance 將可與紅軍延長合約,繼續贊助呢支應屆歐聯冠軍。