FIFA 19 vs FIFA 20英超最佳十一人陣容

178

《FIFA 20》還有約半個月就會正式推出,除早前正式公佈今集球員嘅數值,昨日亦正式釋出試玩版供各玩家率先感受今集遊戲操作。

英超作為最受玩家注目嘅聯賽,EA Sports 今日亦特別為玩家選出今集以數值計算嘅英超最佳十一人供各位參考。與往年比較,今集英超最佳十一人共有6位球員嘅改變,與其他聯賽相比可算是變動比較多。

門將

迪基亞 -> 艾利臣
與往年相比,曼聯門將迪基亞嘅整體能力由91下調至89,以反映其上季表現。其位置目前已被去屆歐聯冠軍門神,於 FIFA 20 能力值同為89嘅艾利臣所取代。

後防

於後防位置中,曼城嘅卡爾獲加為陣容上唯一由19保留到20嘅球員。左閘位置嘅阿朗素今集已比去季表現出色嘅羅拔臣所取代。中堅方面,去季嘅華湯根、奧達文迪今季都未能入選今集最佳陣容,替代者當然包括今集能力被大幅上調嘅雲迪克(85->90),而另一位則為熱刺中堅艾達韋列特。

中場

中場方面,兩位星級中場迪布尼、簡迪繼續入選,而普巴嘅位置則被熱刺嘅艾歷臣所取代。值得一提嘅係,三位落選者及普巴今集嘅整體能力值都沒變動。

前鋒

今集英超最高能力值嘅正前鋒繼續由阿古路擔任,能力值依舊為89。整體能力被上調至90嘅沙拿亦繼續順利保留於最佳陣容當中。最後一席因應夏薩特離開英超而有所變動,入圍者則為去季表演非常傑出嘅史達寧,該英格蘭翼鋒嘅能力值由85被上調至今集嘅88。

FIFA 19 英超最佳十一人陣容

FIFA 20 英超最佳十一人陣容