若山齊士離隊 曼聯或簽入路蘭迪作替補

57

ESPN 報導,曼聯目前已為山齊士外借到國際米蘭做好準備,或會免簽入路蘭迪作其代替品。

近日多間外國媒體都報導山齊士已非常接近離開曼聯,並表示國米、曼聯、山齊士三方都極力希望交易落成。據報山齊士本人已同意自行降薪,而曼聯亦願意為該智利球星支付一半嘅薪金,國米則會於較低風險下接收山齊士。

對曼聯而言,現時陣中主要出現球員過盛為中堅位置,而鋒線上其實板凳深度並非十分足夠,若放走山齊士後亦確實有需補充攻力嘅需要。

雖然英超轉會窗已經關閉,但其實目前英超球隊仍然可以以免簽方式簽入球員。EPSN 就指目前紅魔已經將剛與熱刺完成合約嘅路蘭迪視為頭號目標,但就需面對剛簽入伊卡迪失敗嘅拿玻里競爭。