戴巴拿望離隊 祖記重燃回購普巴希望

190

Tuttosport 報導,祖雲達斯前鋒已與球會溝通,並表示希望今夏離開球會。

曼聯目前係該阿根延前鋒嘅最大爭奪者,有指蘇斯克查對戴巴拿極有興趣,希望將佢簽入與拉舒福特組成紅魔鋒線。

戴巴拿目前被祖雲達斯標價8000萬歐元。據外媒透露紅魔已經開始與戴巴拿經理人進行商討,並會向該球星報上一份豐厚合約以彌補球會來季未能參與歐聯嘅情況。

對祖記而言,出售戴巴拿或令球隊重燃收購普巴希望。由於祖雲達斯今季已收購多位球員,目前沙利主力都係清走球隊多餘嘅球員,若要有足夠資金及通過財政條例去收購普巴的話,出售如戴巴拿呢類球星級球員絕對為必須。

據悉現時皇馬仍然於收購普巴戰中處於領先位置,不過雙方一直未能就價錢達成共識。由於英超轉會窗短時間內就會正式關閉,若曼聯、祖雲達斯雙方都對彼此球員有興趣嘅話,戴巴拿+錢來交換普巴或會成可預見嘅結果。