迪基亞拒絕續約 今夏或轉投PSG

544

talkSPORT 報導,曼聯門將迪基亞已拒絕球會提出嘅最後合約報價,將於2020年約滿後變自由身。

曼聯為維持隊內薪資架構,一直未能提供迪基亞要求嘅35萬磅周薪,而呢位西班牙門將已決定唔會同球會續約。另一方面,法甲豪門PSG 除願意提供迪基亞所要求薪金外,亦計劃以6000萬歐元低價於今夏挖角,紅魔為免人財兩失除時放人。

迪基亞於過去六個球季共四次當選曼聯最佳球員,但今季因為續約問題水準不穩,於幾場大戰都有蝦碌鏡頭出現。迪基亞除咗認為薪金問題上球會並無給予尊重外,亦對球會前路感到焦慮,去意已決。即使今季未能轉會,下季約滿後亦已決定走人。

對蘇斯克查而言呢個消息絕對為一大打擊,若迪基亞確實離隊嘅話阿根廷門將羅美路或將正式擔正成為紅魔門神。