祖雲達斯已與迪列治就個人條款達成共識

72

Sky in Italy 報導,意甲豪門祖雲達斯已與迪列治完成個人條款嘅談判,即將由阿積士簽入呢位荷蘭中堅新星。

Skysports 指迪列治已同意祖雲達斯所開出嘅五年合約,每年年薪約1200萬歐元,當中包括一條價值1億5000萬歐元嘅解約金額。

目前祖雲達斯已立刻與阿積士進行商討以盡快完成交易,不過目前巴黎聖日耳門仍然未放棄,將與祖記繼續搶購呢位阿積士隊長。

迪列治近季開始受到注視,而於歐聯帶領球隊殺退皇馬、祖記等勁旅殺入四強後更令其人氣急速上昇。呢位中堅除咗擁有勁佳身體質素外,其用球能力及位置感都被認定為非常具有潛力,故於轉會窗開啟前後已有多指豪門包括皇馬、曼聯、利物浦等都有向阿積士問價。

迪列治早前已坦認於歐洲國家聯賽決賽後獲C朗親口邀請佢加盟班馬兵團,相信對呢位年輕小將有一定嘅吸引力。若最後祖雲達斯可完成收購嘅話,呢位荷蘭防守球員將成沙利重返意甲後球隊第一個重磅收購。