艾歷臣下站非曼聯 意大利某豪門最大機會

39

Sky Italy 報導,曼聯將不會於今個轉會窗向艾歷臣作出收購,該丹麥中場極有可能會轉投國米發展。

去年夏天,曼聯已被盛傳有意羅致艾歷臣加盟,不過最後未能成事。由於艾歷臣合約今個賽季就會到期,早前有傳媒指曼聯希望開價2000萬鎊以作出收購,不過報導指紅魔鬼暫時仍未正式作出報價。

與此同時,報導指出艾歷臣希望離開英超,目的地並非早前所提嘅西甲,而係意甲國際米蘭。

國際米蘭高層 Giuseppe Marotta 於本周早前已向傳媒確認球隊對艾歷臣有濃厚興趣,不過亦有透露國米暫時未有與熱刺作出商討。

據意大利媒體透露,國際米蘭目前正於艾歷臣及巴塞中場維度爾中間作出選擇,一經確認就會展開行動。

27歲嘅艾歷臣於今季英超只錄得9次正選上陣機會,交出2入球、2助攻,熱刺教練摩連奴早前表示艾歷臣嘅去留已成定局。