巴塞願接受尼馬回歸 前題為薪資減半

177

相對於基沙文加盟,前日報導過 美斯較為希望前隊友尼馬回歸。而近日外媒就有更多有關尼馬與巴塞嘅消息傳出。

麻煩友尼馬目前正身受「性侵」事件困擾,但據稱巴塞仍然對回購尼馬持正面態度。除西班牙媒體 Diario Sport 今日以「尼馬拒絕皇馬 望回歸巴塞」為題外,另一間西班牙傳媒 El Chiringuito 亦指巴塞方面其實亦接受美斯意見,寧願用資源於回購尼馬一事之上。

不過是次談判將會比較複雜,除巴塞與PSG兩大豪門嘅價錢或交易詳情會否包括其他球員外,尼馬嘅薪金亦成是次重點。

當年PSG不惜為尼馬開出3600萬歐元年薪嘅天價吸引來投,此亦成尼馬與巴塞事後決裂之導火線。據稱巴塞現時基本上可以接受以天價或球員交換與PSG商討回購,但前題為尼馬必順將薪金減至約當初離隊時嘅2000萬歐元年薪,否則球會難以承受對球會資金以致薪酬架構之影響。

值得一提嘅係,尼馬今季長期傷出,多場歐聯大戰都未能為PSG上陣。而昨日為巴西上陣對卡塔爾嘅友賽時亦再度右腳足踝韌帶斷裂,已確定無緣出戰美洲盃。