巴塞終極報價 古天奴+拉傑迪+1億歐購尼馬

274

多間外媒今日同時報導,巴塞將向PSG發動最終報價,分別用古天奴加上拉傑迪配以1億歐元報價以回購尼馬。

早前有外媒誘露巴塞方面嘅代表早前已飛到法國與PSG代表進行尼馬交易一事之商討工作。經過漫長嘅商討後,巴塞最終同意開出一份包括古天奴、拉傑迪及額外1億歐元在內嘅最終報價,希望可以打動巴黎放。

兩年前尼馬以高達2.2億歐元破記錄轉會費轉投PSG,雖然帶領球隊於法國繼續所向披靡,但於歐聯賽上並無太大貢獻,更常於重要賽事因停賽/受傷影響未能助球隊於歐戰上再進一步。

此外,尼馬於場內外紀律一向不佳,於法國國內及歐洲賽場上都有停賽問題,加上其囂張嘅性格亦令球迷以致球會管理感非常不滿,早前法甲賽事就有主場球迷不停大叫尼馬離隊,而PSG班主早前亦表示球會容不下重視自己多於球會嘅所謂球星。

對於巴塞而言,雖然今夏有基沙文來投,但陣中多位重心人物包括美斯、蘇亞雷斯等都希望可以與尼馬故劍重逢,但實際上回購該巴西球星嘅迫切度並非十分重要,故相信若是次報價未能得到PSG同意或會放棄交易。

除巴塞隆拿外,另一支西甲勁旅皇家馬德里亦被指對尼馬有興趣,並曾有報導指皇馬已為其開出一份占士洛迪古斯加上1.1億英鎊嘅開價。