金球獎30強候選名單有趣數字全分析

76

由《法國足球》雜誌頒發嘅金球獎日前已經釋出最後三十強候選名單。作為足球壇上最高榮譽嘅獎項之一,今屆大熱仍然有美斯、C朗,當然亦唔少得今年表現極其出色嘅雲迪克會一如去年摩迪般向「美朗」作出挑戰。

今屆嘅三十強名單相信大家都有睇過,但當中都有唔少特別或有爭議之處, HOMME 於下文將會專誠為大家就幾個特別數字作出分析。

最多侯選人球隊 – Liverpool (7人)
利物浦作為去屆歐聯冠軍,理所當然成為是次金球獎候選名單嘅大戶。除頂頭大熱雲迪克外,艾利臣、法明奴、韋拿杜姆、文尼、沙拿、阿歷山大阿諾亦成功入圍。

最多侯選人國家隊 – 荷蘭(5人)
因為去季阿積士嘅高水準表現,雲迪克嘅國家隊荷蘭亦成為是次金球獎三十強名單嘅大贏家,共有五人入選。包括雲迪克、韋拿杜姆、迪列治、迪莊及雲迪碧克。

摩迪 – 第1位應屆金球獎得主無緣三十強

皇家馬德里 - 18-19入選人數相差達6人除摩迪外,其所屬球隊皇家馬德里亦成是次最大輸家。「銀河艦隊」入圍人數由去年高達八人變成今年只有賓施馬及夏薩特入選,成為是次退步最多球隊。

西班牙 – 1993年至今首次無人入選於國家隊方面,西班牙則為輸家代表。自1993年起,每屆都有球員入嘅西班牙終於斷欖,今屆無緣入圍最後三十人。

2019年金球獎將於12月2日於巴黎嘅 Theatre du Chatelet 正式公佈,想知道雲迪克可否挑戰「美朗」以後衛身分捧起金球獎就要留意呢個日子啦。