巴爾大爆發 施丹會否轉軚?

190

今晨上演國際冠軍盃重頭戲 – 皇馬對阿仙奴,結果「銀河艦隊」於落後兩球下追平比數,於互射十二碼以3:2勝出。

今場比賽可算峰迴路轉。皇馬嘅拿祖於9分鍾就因於禁區犯手球被判罰第二張黃牌及十二碼,結果被拿卡錫迪射入,皇馬早早就落後一球兼少打一人。而阿仙奴而於24分鍾因應人數優勢由奧巴美揚擴大比數至2:0。

比賽轉捩點於上半場尾段出現,兵工廠守將柏柏斯達夫普路斯於3分鍾內連奪兩張黃牌,令比賽人數成均勢,以10人對10人進入下半場。

半場過後,皇馬陣容進行大變動。夏薩特、賓施馬等主將離場,並分別換入伊斯高、巴爾等於球會前景成疑嘅球員。而被指即將以天價人工轉投中超嘅巴爾今場為名譽而戰大爆發,全場表現非常搶眼。巴爾除於56分鍾為球隊追至1:2外,更於76分鍾為球隊護空門成功,盡現拚命風格。

巴爾入球後,皇馬亦於59分鐘由阿辛斯奧射成2:2追平比數至完場,雙方進入互射十二碼階段。

皇馬於十二碼階段雖然有今場表現突出嘅巴爾射失,但伊斯高、華拉尼及雲尼斯奧斯都順利射入,最後以3:2擊敗有3人射失嘅阿仙奴。

賽後巴爾再成傳媒焦點,施丹今次受訪就再沒上次記者會般斬釘截鐵:「巴爾今場表現非常好,我為佢感到高興。目前佢仍然為球隊嘅一員,今場佢可以上陣係因為佢希望與我們一起,與上次不同,結果佢可以出場,並表現良好。早前提及嘅巴爾離隊係我嘅決定,而未來我們可以睇下會有咩事發生。目前所有事情都沒改變,大家都知道情況。」

此外,阿辛斯奧於65分鍾因與奧巴美揚爭波時受傷離場,有指其傷勢非常嚴重,更可能下個賽季報銷。未知是次阿辛斯奧受傷或會影響阿仙奴租借斯巴路斯及增加巴爾留隊機會?