全場捱打零中龍 曼聯連續四場不勝

49

昨夜上演歐霸分組賽事,球迷焦點曼聯作客迎戰阿爾克馬爾再次未能取勝,數據上更被對方完全壓制。

今仗蘇斯克查出人意表地派出迪基亞擔任正選,而非一直為曼聯於歐霸賽事上陣嘅羅美路,有英媒估計此舉係避免曼聯輸波收場。

事實證明,蘇B此舉亦確有成效。今場主隊阿爾克馬爾有多達12次埋門,當中有四次中框,而紅魔只有6次射門,恥辱地零中龍,為球隊史上25場歐霸盃比賽中第一次全場沒中龍射門。

回顧今年3月,曼聯於被絕對看低下曾以殘陣於歐聯作客以3-1擊敗PSG,令一眾魔迷大叫過癮。不過原來自該仗起,紅魔到現時仍然未有試過於作客贏波,錄得4和6負,為球隊三十年以來最差嘅作客戰績。

曼聯作為一支傳統豪門,近季已三番四次令球迷心痛、失望,大家以前亦可能沒想到情況會繼續惡化,不停打破各個丟臉記錄。曾效力曼聯嘅奧雲賽後就直指:「如果可以,我會換走正選陣容中嘅大部分球員。於現時嘅曼聯中,我看不到有任何希望。」

蘇斯克查上任後就獲不少厚待,不少於曼聯有相當地位嘅舊隊友都曾為呢位現任教頭講好說話。不過根據曼聯表現,明顯現時球隊出現「攻不銳、守不穩」情況,曼迷希望蘇B下台之聲已愈來愈烈,蘇斯克查到底仍可堅持多久呢?

比賽精華