決裂 馬體會申請阻止基沙文於西甲註冊

397

Skysport 報導,馬德里體育會已經正式向西甲賽會提出申請,希望阻止巴塞隆拿為基沙文於西甲嘅註冊。

西甲賽會主席 Javier Tebas 近日受訪,表示馬體會已就基沙文違規轉會一事向賽會申請阻止其於西甲嘅註冊上陣資格,亦表示西甲有此可能及權利去做。

是次爭議重點主要在於7月1日此關鍵日子,因此日期後基沙文嘅解約金會由1億8000萬鎊大幅下調至1億零800萬鎊。而馬體會申請主因係認為巴塞於7月1日前已經與球員達成協議,基沙文本人早早已同意轉會,故巴塞應該為此交易付足全數1億8000萬鎊。

基沙文早前已為巴塞於對陣車路士嘅友賽上演地標戰,而 Javier Tebas 早前被問及馬體會申請一事就表示:「我們確實收到馬體會嘅申請,希望阻止基沙文於巴塞嘅球員註冊。目前我們確實有此機制,相關球會必須解決問題,我們暫時未對此有任何判斷。」

近年巴塞於買賣球員已經屢屢與不同球會交惡,例如尼馬PSG事件、收購馬琴時引起羅馬不滿等等。若是次馬體會申請成功嘅話,以1億鎊收購一位未能於西甲上陣嘅球員或會成為今夏轉會窗最大笑話。