阿仙奴4000萬沙夏報價 極速被拒絕

70

昨日 Skysports 指阿仙奴終於出手,向心儀已久嘅水晶宮翼鋒沙夏作出報價,但隨後有報導就指其4000萬報價已秒速被拒絕。

沙夏本人已直認對阿仙奴非常有興趣,而其兄弟亦於近日於社交媒體指沙夏本人自小就為阿仙奴球迷,非常希望今夏可轉投兵工廠。

但對水晶宮而言,球隊近日已經向曼聯出售雲比沙卡並獲得5000萬英磅轉會費,目前並未有意以低價出售沙夏 – 至少不會是4000萬磅。唔少外媒都曾透露水晶宮對出售沙夏嘅心理價位為8000萬磅,與阿仙奴所報嘅相差一倍。

不過其實阿仙奴亦沒太大嘅報價空間,兵工廠今個夏天嘅轉會預算只有4500萬磅,於現今球壇嘅英超嚟講確實算係非常少。若最後兵工廠真要提高報價,出售奧斯爾、米希達恩或成另一方法,但問題為目前並未有球隊對呢兩位球員有興趣。

隨住4000萬磅報價被拒,相信阿仙奴並唔會輕易放棄,就視乎董事會是否樂意加碼,或是最後要出售球員以換受沙夏來投。