阿仙奴願支付全數薪金租借施巴路斯

129

據 Sky Sports 透露,阿仙奴已向皇馬作出報價,希望可以租借中場施巴路斯,並願意為其支付全額資金。

施巴路斯現年只有22歲,2017年以1650萬歐由貝迪斯加盟銀河艦隊後一直未受重用。該西班牙中場早前更被爆就向施丹宣稱「不想繼續跟你合作」,令其於皇馬嘅未來一直都不太明朗。

施巴路斯上季只為皇馬於西甲上陣23場(10場後備),1248分鍾上陣中交出3個入球。據報施丹一直有意於今夏清走施巴路斯,不過由於施巴路斯為西班牙U21上陣時表演突出而改變想法,而借出該球員則成目前最佳選擇。

對阿仙奴而言,由於球會轉會資金有限,目前仍然集中於全力收購沙夏一事之中,故借入具一定實力嘅施巴路斯實為一個理想選擇。不過由於施巴路斯於轉會市場極受歡迎,故兵工廠不惜以支付全數薪金利誘皇馬放人。

是次交易對皇馬、阿仙奴、施巴路斯三人都可算為三贏嘅交易,相信各方球迷都會樂於見此成事。