外國新上架手機套 披露新iPhone 三鏡頭及Apple Pencil配件

79

相信大家都對預計於9月10日正式發佈嘅全新iPhone期待以久。今次推出嘅新iPhone除咗預計會一如以往升級處理器、鏡頭外,早前亦有指電池容量會大幅增加。此外,最近於外國網站最新上架嘅全新iPhone保護套更令傳聞中嘅「三鏡頭」及配備 Apple Pencil 等傳言更具可信性。

近日於外國著名手機配件網站 mobilefun 有數款由 Olixar 所製嘅 iPhone 11 皮革保護套最新上架。當中最受注目為其背部設計刻意留有一個與 iPhone 高度接近嘅凹陷位置,供用家可以存放一支比現時 Apple Pencil 更短嘅 iPhone 專用 Pencil,或變相提早向各玩家透露全新 iPhone 將支援此最新功能。

除此以外,是次 Olixar 推出嘅保護套於鏡頭位置亦刻意留有早前備受爭議嘅三鏡頭設計,相信亦會令是次全新 iPhone 嘅討論性大增。

雖然是次推出嘅全新嘅保護套令大家對新 iPhone 功能、外觀等有更多嘅猜測,但過往其實並非每次提早推出嘅 iPhone 配件都完全符合發佈會內容,大家有興趣可到 此網站 了解一下,但要有最準確消息就記得要留意於9月10日嘅 Apple Special Event 啦!