山齊士又傷 或明年方可復出

104

於周末舉行嘅一場友誼賽中,阿歷士山齊士代表國家隊上陣時再度因傷離場,初步估計需要明年初才可復出,「全能王」黑氣仍然未散。

今年山齊士被曼聯租借到國際米蘭,於球會表現尚算不俗,不過早前於對陣森多利亞入球後就因紅牌被趕出場,無緣上陣鬥祖雲達斯。

本以為今季可以於國米發光發熱,但山齊士回到國家隊又再遭受大傷。智利軍醫於賽後診斷山齊士左腳腳踝跟腱處腓骨受傷且嚴重脫臼,該智利國腳更需要提早回到米蘭接受詳細檢查。至於是否需要再接受手術,仍然需等級磁力共振嘅結果,但保守估計2019年都無法傷癒復出。

除山齊士本人頭頭碰著黑外,是次受傷對國際米蘭亦為一個巨大打擊。於干地擅長嘅3-5-2陣式當中,球隊至少需要四位前鋒作雙線作戰,但目前只剩下盧卡古及羅達路‧馬天尼斯可供採用。

若山齊士最後被診斷為嚴重受傷,呢位智利國腳好可能提早被送回曼聯,其球員生涯嘅期望翻身一季亦正式終止。